تعريف الرفاه وطرق تحسين الحياة
يعني إيه رفاه؟
الرفاه – حسب تعريف جامعة أريزونا – هو عملية نشطة تستمر مدى الحياة لتصبح مدركًا/ةً للخيارات واتخاذ القرارات نحو حياة أكثر توازناً ومُرضِية. يتضمن الرفاه خيارات حول حياتنا وأولوياتنا التي تحدد أنماط حياتنا. 1
جوانب الرفاه هي:
إجتماعي، وظيفي، روحاني، بدني، ثقافي، مالي (اقتصادي)، عاطفي، بيئي
التقسيمة دي ممكن ناس تصنفها ٥ نواحي، وممكن ٧، لكن هم كلهم نفس الشىء، نفس الهدف.
كمان دي مش حاجات منفصلة عن بعض، لكنها بتأثر على بعضها البعض ساعات، ولما بنهمل حاجة فيهم، أن بنقع تجت ظروف تأثر على عنصر فيهم، ممكن لو ما عرفناش ده، ووضحناه لنفسنا، يأثر على باقي الجوانب. على العكس هو إن إهتمامنا ببعض العناصر ممكن يساعدنا ويدعمنا في التخطي الصحي للفترات السيئة اللي ممكن تحطنا فيها حياتنا.
طيب إيه أمثلة على التعريفات دي؟
الثقافي
• الكورسات
• تعلم حاجة جديدة كان نفسي أعرفها
• المطالعة
• المشاركة ف حوار بناء وعميق مثمر
العاطفي
• أتكلم مع نفسي بطريقة إيجابية الاعتقادات الإيجابية
• الشعور بالآخر
• تدوين الحالة المزاجية
• مكتبة الذكريات الحلوة
• الاستشارة النفسية
• العمل على تخطي الحزن
• العمل مع معالج/ة جيد/ة
الوظيفي
• بنجز شغلي ف معاده
• حاطط حدود واضحة لشغلي ومساحته ف حياتي
• حاطط هدف قريب وهدف بعيد.
البيئي
• بخرج للطبيعة اللي حوالي وبتفرج عليها
• أحاول أسمع أصواتها وأشوف نفسي فيها وإزاي تقدر تمدني باللي محتاجه، وآخد بالي منها
الاقتصادي
• عندي خطة لحاجات عايز اجيبها، وبحوش لها.
• بكافئ نفسي بحاجات بسيطة لما بحقق حاجة كويسة.
• بساعد اللي حوالي بحكمة
الروحاني
• الصلاه
• التأمل
• المجموعة الروحانية
• التسامح
• إيجاد الهدف والمعنى
البدني
• التغذية
• النوم
• الرياضة
• شرب المياه
• الأدوية
• الفيتامينات
• التنفس بشكل جيد
الاجتماعي
• العائلة/ العائلة البديلة
• الأصدقاء
• مجموعات الدعم
• العمل المجتمعي
طيب إزاي أعرف وأقيم أنا واصل/ة لفين في رفاهي؟
باﻹضافة للنموذج اللي فوق، مرفق ملف هو تقييم أدق للجوانب المختلفة وطريقة التقييم الذاتي اللي نقدر نعمله بنفسنا من وقت للتاني
مع الوقت هيبقى عندنا قدرة إننا نحس بالجزء اللي محتاجين نهتم بيه ونرعاه، وأحدد إنه ف الفترة القادمة أنا هشتغل على الجوانب اللي قليلة، وألاحظ الاختلاف اللي هيحصل.