-
-
-
-
-
-
-
-
مفاهيم ومبادىء لتحليق آمن
في الجلسة دي بنتعرف على القواعد اﻷساسية اللي أي حد بيدخل على الإنترنت، لأي سبب من اﻷسباب، محتاج إنه يعرفها.
السوشيال ميديا وبرامج المواعدة
السوشيال ميديا وبرامج المواعدة هي أكتر حاجة بنشوفها في يومنا.. وبتوضح كتير من آراءنا وهوياتنا، هي منصة لصوتنا. عشان كده مهم إننا نعرف إزاي أحترم خصوصيتي عليها، بخطوات بسيطة.
الموبايل من الألف إلي الياء
في الجلسة دي هتلاقوا كل اللي محتاجين تعرفوه عن إن الموبايل يبقى آمن. هنتعرف على مراحل “غلق” الجهاز، عن الطرق الأمثل لحفظ البيانات، والصور.
اﻹيميلات وحمايتها
تاني أكتر حاجة بنستخدمها في حياتنا، وهي الأساس اللي بننزل منها كل الأبليكيشنز (التطبيقات)، وبنسخدمه للجامعة والشغل. هو كمان أسهل حاجة - لو مش واخد/ة بالي - يقدر يجيلي منها فيروسات خبيثة كفاية إنها تخلي الجهاز مالوش لازمة… طب ناخد بالنا إزاي ومن إيه؟ شوفوا الجلسة دي.
حماية الملفات (صور، وثائق، إلخ)
كام مرة كان فيه صور حساسة، أو ملفات مهمة، أو صور بنحبها وضاعت، أو اتقفشت، أو حد سرق الجهاز وبقينا مش عارفين نعمل إيه؟ الجلسة دي هنتعرف عن تشفير الملفات وحفظها وتبادلها بشكل آمن، وكما لو حبينا نتخلص منها يكون بشكل صح.
تقييم المخاطر للأفراد
من أكتر الحاجات اللي بنشتغل عليها كنشطاء أو كمبادرات، هي تقييم المخاطر، يعني إزاي مالبسش ف مشكلة عويصة، أو لو لبست أعرف أفلت. تقييم المخاطر مش بس مهم للحماية الشخصية، لكن كمان لحمايتنا النفسية. الجلسة دي بمحتواياتها هتعرف إزاي وليه وإمتى عمل تقييم للمخاطر.